貪 (10) 我在反圍標的日子 - 【我在黑社會的日子】

2018-03-16

首次招架應該係食過夜粥人士，如果呢個界別有高低強勁區域之分，10分為最勁，1分為最炸，咁呢個應該算有6、7分、屬油尖旺區中場。

有人只花了10分鐘，便決定簽訂多年的死約，但死都唔肯雙方黎過正式會面，重話「到時簽約咪響律師樓lor」。

截了，但，止得到一時止唔到一世，唯有靠僅有的智慧去判斷，重有你的直覺都好重要。




詐騙集團假扮大圍名城業主賣樓_騙取訂金292萬元一案





#我在黑社會的日子
#詐騙集團
#圍標人士兜過Round搵呢D人攪我地呢D婦孺
#對住我地呢D孤兒寡婦跟本兩野可以埋我單除非有人根本在進行非法勾當
#有仔教落孫如果你發現你棟大廈有人圍標千其唔好出聲因為無好下場
#但係已經洗濕左個頭無得番轉頭
#就算日後你明知有人繼續圍都唔好再出聲就當買過路錢除非你夠晒票
#圍標人士越恨錢越狠所以你要好小心
#有水CAP嘅地方都滋生了貪念
#唔好俾自己放大俾人攪好慘的感覺
#但我會放長雙眼睇下呢班人嘅下場睇相佬話我有70歲命並漸入20年大運好到不得了
#秋菊打官司

貪 (9) 我在反圍標的日子 - 少勝一仗

俾人打到有氣無訂透，身心俱疲。

因為反圍標，俾D圍標人係咁趙，已經行到拑掣入法庭，點知，個天有眼，當有人要封你後冷，趕你絕路，正所謂趕狗入窮巷，你地重要幾個一齊係咁攞支 Kwan 追住隻窮狗離「牛」，隻狗會顛，會追住你咬住唔放。

一生人真係未試過大街大巷，響 4名警員面前，俾D下三流人士「x 你老母 xx丶聽唔到丶洗唔洗我大 L聲 d 呀、玩 x 夠未、x 你老母 xx丶聽唔聽 L到」而當時額娘就在你身旁，幸好，佢耳仔唔好聽唔到，所以沒半點難堪。最後，警方Define 為雜項及惡作劇處理。

那天晚上嚴重 Depressed，警察拆唔到，唔知點算好，明明刑事，點解會咁？差人嘅責任唔係保護我地呢D手無吋鐵嘅市民嗎？點解點解點解？？？

D街坊叫我「搵個男人出黎啦，你地俾人蝦死啦」，個個番緊工，唔通我叫人地請假陪我打三條九麼？你地孤兒寡婦，唔蝦你唔通蝦個紋身大漢嗎？在極度頹底下，天網灰灰。。。

翌日，忽然收到消防通知拆左，竟然係消防幫我地拆左 。當知道結果，激動到差點爆眼淚，被攪左成半年，竟然是消防員叔叔幫到我地。。。竟然是消防員叔叔幫到我地。。。消防員叔叔你地好叻。。。我們的恩人。。。



#當你以為打三條9幫到你分分鐘作用不及打1823咁有效
#因為你斷人財路怎的都要付出沉重代價
#對付下三流要用正途去打一定要有一顆堅持的心一定要狠去左就無得番轉頭番轉頭你就舌章
#為左保衛家園一定要狠過D下三流鼠輩
#要搵對的人幫你對的人唔易遇到就如大海勞針
#搵呢個對的人比搵個男人I住更難
#當未找到對的人時Google哥可以幫到你
#熟讀法例可以保家衛國

貪 (8) 我在反圍標的日子

                                                                          2018年1月7日

幾乎肯定，香港大部份樓宇的公契，都存在著不少不公平的條款，上至近三五年落成的地鐵上蓋新樓又好、多年來大地產商所建的樓又好、下至三五十年落成的唐樓都好，都係抄黎抄去，只不過時辰未到，未燒到你的面前罷了。地政署賣地予發展商，跟他們簽署了這些公契。

香港人以為辛辛苦苦供左層樓，可以安居樂業，但樓齡一過30年，你便跌落屋宇署(BD)個POOL度，等候發落去進行「大廈維修」，到時，你便不能獨善其身。

香港政府廢事乃野，踢左個波出黎，叫D小業主自組去為棟大廈維修，可憐，小業主簡單至牆身天花滲水你都攪唔清邊個應該負責，卻要我們咩起咁大壇野。

你甚至唔知道：原來你門口度消防門係歸BD防火規格組而非消防處(FSD)樓宇改善課。簡單而言，BD、FSD可以分開出個「強制驗樓計劃」、「消防安全指示」俾你，一搞可能三五七年，當驗收晒所有野，拆了個棚，水務署WSD、渠務署DSD忽然給你一個「命令」要你在幾耐限期前換晒D渠，咁你又要重新搭棚了．．．．．．因為，未必所有政府部門都通。你夠POP，可以忽視ignore個命令，因為政府部門不會只寄給你一個單位，而是「掃」你棟樓，命令分別先以藍色、白色信件透過平郵寄給你，如果，有天你收到透過掛號寄給你的粉紅色命令，即，有關政府部門可以執行罰你錢甚至更高刑罰。由呢刻開始，你要警惕alert，因為，有人或者圍標人士開始蠢蠢欲動，筆者棟大廈就係響呢個位出事。

有人藉詞要為棟大廈維修限期「延期」，然後嚇鬼話「如果唔快D延期，我地就俾人罰$25,000而另每日加罰$2,500」，死口唔肯透過招標過程去聘請有關Registered Inspector (RI)(檢驗人員名冊)(即是顧問公司，他日會對承辦商進行收貨)又話招標好貴，總之諸多藉口推搪，跟住就草草求其唔知邊度，搵人響枱底蚊張報價單出黎，然後草草出封信去延期，話俾有關BD/FSD知已聘請XX為RI，係咁便好順理成章劫持hijack左成棟大廈維修，包括日後的承辦商Contractor果Part。

緊記，RI與承辦商Contractor絕對不能是「一顆」，否則，你就萬劫不復，成就了「圍標」。「延期信」好簡單，以你棟大廈管理處出便可，了兩隻字，客氣D便可，無咩咁特別，而且，自從政府實施了「大廈維修」命令至今，從未試過對整棟大廈執行過此刑罰，所以，緊記唔好俾D不法分子「嚇鬼」所得呈。

大廈維修，始終涉及裝修、泥水、搭棚，怎的都牽涉D「男性行業」，可以嘅話，唔好俾你家中的老人、女人獨自面對，因為，圍標者多為男人，佢地會恰佢地唔識野。請緊記，千萬唔好以為「住響樓上樓下、好黎好去，佢話咩就咩」，亦都唔好以為自己係小業主，要勇敢行出黎去保衛你的家園，唔好俾人當豬。好不幸，筆者家中無個似樣嘅男人，重要係孤兒寡婦，本來對甚麼維修一竅不通都要硬著頭皮行出黎反圍標，落得屋前、屋中、屋外都俾人恰。所以，如果你家中有男人，希望你敢當個有承擔的男人，行出黎頂住，好好保衛你的家園。

#ICAC

#全港業主反貪腐反圍標大聯盟

#我要忍住要攪掂好基建先要練住條頸做人

#個閘於90年代裝從來無人向老父投訴過佢今時今日要咁玩好清楚想迫我勸其他小業主回購番個外牆業權

#我地個天花滲水滲到1mx1m見埋鋼筋佢話我地無證無據重賴個外牆業權而事實上面成層都係你地你重要隱瞞個外牆業權就是你們HolyShit
#呢個究竟係咩世界
#大廈主要通道條光管燒左三五個月佢話唔識換但係識起棟樓

#大廈正門口天花位置有石屎已剝落見鋼根佢唔理

#D信箱破爛佢唔理

#天井D污水係咁唔知響邊度浮出來佢唔理

#卻搞我地度起左廿幾年的閘

#唔識同呢D人打交道如果可以的話響我的餘生都唔想再見到呢D卑劣的人

#我在反圍標的日子

 photo source: https://africa-facts.org/do-you-know-about-richest-man-in-kenya/

貪 (7) 我在反圍標的日子 - 靚仔到咁樣嘅【建築師】去邊度搵..

【反圍標勝利】麗城花園業主自行監督大維修　工程1.4億變7000萬

撰文： 吳世寧 攝：江智騫 發佈日期：2017-07-10 16:13

麗城花園第三期法團副主席劉栢堅近日因病辭世，反圍標界一顆明星就此墜落。對記者來說，劉栢堅可說是偶像級。記得他這樣形容他走入當時法團會議的情景：「食飽飯喺平台散步，見到法團開會，就走入去聽。聽咗陣，就忍唔住咩粗口都出哂嚟。」聽到天價工程他雙眼冒火，遂走到法團委員中間，問：「呢度有冇人係工程界？」全程鴉雀無聲。他就霸氣地走到中間：「我就係建築師！」當時畫面歷歷在目，記者頓時覺得眼前大叔有型得很。
自此他就走入這趟渾水。他跟戰友參選法團，推翻天價工程；成功換屆後，劉栢堅再利用他的專業知識和不懈努力，在54間維修公司選出一間。最後大維修工程由1.4億降至不到7000萬。還記得採訪當時，法團正舉行數個星期一次的業主交流會。劉栢堅跟維修公司代表一起，坐在紅帳蓬下三數個小時，不厭其煩的回答業主如「屋企出面水管使唔使畀錢整」等細碎問題。如今這顆明星殞落了，麗城花園第三期的維修工程也將完成——潤物細無聲，他的離去也無風無影，但大家不會忘記劉栢堅先生對社區的關懷及努力。

「原來你唔理屋企，就會有班豬走出嚟管你！」據說這句是麗城花園第3期法團副主席劉栢堅的口頭禪。劉栢堅笑稱自己本來也不理屋苑事，所以，業主更不能置身事外，任由世界顛倒是非。

不滿法團荒謬　建築師住客挺身而出

1980年代興建的麗城花園，從其屋苑名稱、到其水池亭林的古典佈局，都盛載着一個年代對置業生活的美好期盼。但原來業主們上了樓，以為可當個安逸中產，而美夢亦會有被戳破的一天。建築師劉栢堅指自己在麗城花園住了20年，從來不會理會屋苑事。直到有天他剛好在屋苑平台散步，見法團正在開會，便好奇走入會議室。

「入到去，我以為自己入咗村公所。點解班人講嘢可以咁冇邏輯？1.4億嘅天價工程，原來可以喺一個冇專業人士睇嘅情況下通過？」他說。居民跟前法團委員罵來罵去，但在一片混亂間他認識了林太及未來司庫。

曾任法團委員、在屋苑內受敬重的馮生，便聚集了一班關注維修工程的居民，又找來反圍標大聯盟趙恩來幫忙。「我哋想問法團拎份顧問合約嚟睇，但佢哋唔畀。點解佢哋可以咁做？明明顧問同維修費都係我哋出㗎喎！」劉栢堅憤怒地說。後來關注組發現郭浩工程顧問以19萬多投中共７棟樓的顧問合約，比市面估算20萬一棟樓的價錢低廉得多，是圍標行為的一大先兆。「睇番當時法團通過1.4億方案個紀錄，都好奇怪，3次投票相隔不過幾分鐘，但授權票總數都有變化。亦有人懷疑有假授權票出現。」現任法團主席黎深道。

不是「大維修」 　是「整合修葺工程」

於是，關注組派傳單、擺街站，終取得5%業主簽名召開業主大會，於去年8月通過推翻天價工程。「之前只有200幾戶出席業主大會，但嗰次一共有900幾戶出席！」林太說。到今年3月，經過換屆選舉，由22人組成的新法團完全取代了舊法團，正式上任。上任的首要任務，就是重拾大維修這個爛攤子。劉栢堅認真地道：「我哋唔想用『大維修』呢個名，我哋叫做『整合修葺工程』。」其實所謂『大維修』，不過係將好多小型工程綜合一齊，你屋企裝修仲複雜過佢。我哋唔想業主畀『大維修』個名嚇親。」

抗圍標三式：不聘顧問、拆細工程、獨立監察

新法團嘗試以滴水不漏的新方法進行投標，以避免圍標風險。例如，他們決定不再聘請工程顧問，改為聘請工程師撰寫標書及分析。「我哋都將工程拆細，分成三階段，第一階段先做兩棟樓，咁樣會減少圍標同埋爛尾機會，亦可以畀機會中小型工程公司投標。」現負責監察維修的林太說。

最終投標結果非常活躍，一共有54間公司入標。最後法團選出一間承辦商，預計費用只需7,000萬，每戶只需夾3萬多元。因法團沒有聘請工程顧問公司，監察責任便落在法團肩上：「我哋請咗間工程監理公司，又另外請工料測量師。我哋分開請係希望可做到互相制衡，大家獨立計數。」林太說。本是會計文員的林太笑說，本來對工程維修可說是一竅不通，現在可說是半個專家了，連如什麼是「V.O後加工程」也清楚明白。新法團亦頻繁地在屋苑內開業主交流會，請來承辦商當面跟居民解釋工程細項。

不過，這也不代表覬覦麗城這塊大肥肉的圍標集團就此收手。劉栢堅稱，有行家線眼指，自從他們從54間工程公司篩選至14間時，圍標集團有向那14間工程公司「埋手」，試圖操控圍標結果。法團會繼續堅守防線之餘，劉栢堅亦不厭其煩地，再奉勸業主要企出來：「唔好覺得自己係小業主，其實個個都係大業主。都唔好覺得法團話晒事，我哋有個口號：『人人都係委員』！個個都應該出嚟理番條邨！」

Source: https://www.hk01.com/%E7%A4%BE%E5%8D%80/103752/-%E5%8F%8D%E5%9C%8D%E6%A8%99%E5%8B%9D%E5%88%A9-%E9%BA%97%E5%9F%8E%E8%8A%B1%E5%9C%92%E6%A5%AD%E4%B8%BB%E8%87%AA%E8%A1%8C%E7%9B%A3%E7%9D%A3%E5%A4%A7%E7%B6%AD%E4%BF%AE-%E5%B7%A5%E7%A8%8B1-4%E5%84%84%E8%AE%8A7000%E8%90%AC 

貪 (6) - 我在反圍標的日子

貪 (6)　　　　      2017年12月23日

今天終嘗「趕狗入窮巷」的滋味，唔能夠保護家園，還得押上家園去打貪，代價太大。

今天，進一步被打壓，要拆老父早年安了成20多年的大閘，原因就是：

1.     我「拒絕合謀圍標」（拒絕介紹D公司參與報價而非透過正常程序去招標，因為他們早已內定好「顧問公司」及「承辦商」，旨在「溝淡左佢地內定的公司」）；

2.     「拒絕在臨近大廈驗樓驗窗大維修用$1回購個外牆業權」（教Ｄ老弱小業主千萬唔好就範）；

3.     行使佢在公契中外牆業權的權力去盡情玩我地呢班小業主，迫我回購番個業權。（因為，以他個人名義去支付此筆外牆維修費，分分鐘要幾十至過百萬，所以迫我就範；簡單而言，外牆廣告收益佢嘅，維修保險就要Ｄ小業主攤分）

因為正處於劣勢，忍埋呢啖氣，完成我們最基本的基建後，之後，呢隻窮犬，將窮畢生的力量，去打貪，好讓你們的餘生，在監獄渡過．．．．．．（明天待續）

#ICAC

#反圍標

#我知道已夠晒料造低佢地但係未係時機因為我連最基本的基建都俾人玩到咁樣你想我點

#世界究竟有無天理

#點解只不過想做個正經人都咁難點解點解可唔可以話俾我知究竟點解

#我一開始就錯我應該順從呢班人

#老父你必須顯靈並賜我無比智慧去捍衛我們的家園我知你得架你成日都顯俾佢地睇卻獨欠顯俾我睇所以你今次一定要顯我唔理你總之你一定要顯

#我在反圍標的日子

photo source: https://africa-facts.org/do-you-know-about-richest-man-in-kenya/

貪 (5) - 我在反圍標的日子

貪 (5) - 我在反圍標的日子　　　　      2017年12月18日

金錢利慾．．．．．．對某D人來說，重要到不得了。

「你知道嗎，果邊D村佬，親生兄弟又點，咪又打到死死下，連兄弟都無情講。」．．．．．．由一位半官方機構的叔叔告訴我的。

上邊住嘅全部都是老嘅、弱嘅、怕事嘅、唔識野嘅，睇住佢地係咁俾人恰，真係過唔到自己，就算額娘鬧過無限咁多次，都要繼續。堅持，就係因為啖氣！因為反圍標斷人米路，我地呢D孤兒寡婦更俾人恰到企響沿崖邊，明明很簡單，只要行兩步就可以解決到的問題，俾人玩到要行十步十一步一二．．．．．．

所有罪惡原自一個不公平不公正的制度，有人極力堅持要．．．．．．（明天待續）

#ICAC
#全港業主反貪腐反圍標大聯盟
#其實圍標可以分得幾多呢

#既然有人叫你去傾下咪去收下風LOR

#其實係咪有分大份及細份架

#我貢蠢一定俾人屈份極細果份啦

#早知扮野啦

#但係叫我去果個係一個核凸佬

#見到佢我想嘔

#但係如果佢個樣似何潤東咁又O喎

#我在反圍標的日子

photo source: https://africa-facts.org/do-you-know-about-richest-man-in-kenya/

貪 (4)

貪 (4)　　　　      2017年12月17日

若干年後的一個聚會中，一名退休總警司級人士在閒談間，原來我們都認識該名向我收回佣的男子T，原來，該名男子更是該區「撲滅罪行委員會」的委員。重要做到今時今日。

有時都想訪問下果位退休總警司，當了30幾年廉正謹慎的岡位，出席場合認識無數呢D好似T嘅公職王同台共影，當我告知有關事情時，有咩感受呢？或者，其實，佢不時亦受此等誘惑周旋著，只不過死忍爛死忍無爆到出離罷了！

都係額娘衰，生到我個額頭鑿住「貪錢」兩個字，野埋野埋呢Ｄ好野番離。話說回來，這幾個月，身為一介女流之輩，展開了反圍標的日子．．．．．．自從上月下旬某天，發生了一些事，已向了親人交代了身後事．．．．．．（明天待續）

#http://www.had.gov.hk/tc/18_districts/my_map_13_dfcc.htm

#千其唔好對號入座

#無話過上面條LINK個名單有T個名

#以為天網灰灰疏而不漏

#個天幾時會有眼

#ICAC

#全港業主反貪腐反圍標大聯盟
#我在反圍標的日子

https://www.youtube.com/watch?v=P-BHnb_e1C8

photo source: https://africa-facts.org/do-you-know-about-richest-man-in-kenya/